Lökbatan qəsəbəsindəki ticarət mərkəzlərinin birində yerləşən mağazada bir qrup şəxsin girov saxlanılması iddiası ilə bağlı paylaşılan görüntülər araşdırılıb.

Capar.info bildirir ki, bu barədə Daxili İşlər Nazirliyi mətbuat xidmətinin əməkdaşı polis leytenantı İbrahim Əmiraslanı məlumat verib.

O bildirib ki, Lökbatan qəsəbəsindəki ticarət mərkəzlərinin birində yerləşən mağazada bir qrup şəxsin girov saxlanılması iddiası ilə bağlı paylaşılan görüntülər araşdırılıb:
"Müəyyən olunub ki, görüntülərdəki şəxslər mağazanın icarədarlarıdır və icarə məsələsinə görə mağazanın yeni sahibi ilə aralarında narazılıq yaranıb.
Həmin şəxslərin girov saxlanılması ilə bağlı iddialar əsassızdır".

Qeyd edək ki, sosial media platformalarında Lökbatan qəsəbəsindəki ticarət mərkəzlərindən birində bir qrup şəxsin girov götürülməsi ilə bağlı iddianı özündə əks etdirən video görüntü yayılıb.