[
Dünən Qaziantep və Mardindən gələn qəza xəbərləri Türkiyəni sarsıdıb.

capar.info -nın Türkiyə mediasına istinadla xəbərinə görə, iki şəhərdə baş verən qəzalarda 35 nəfər ölüb.

Qaziantep şəhərində sərnişin avtobusu ilə təcili yardımın toqquşması nəticəsində ağır qəza baş verib. Nəticədə 15 nəfər ölüb, 22 nəfər yaralanıb. Ölənlər arasında
3-ü yanğınsöndürən, 2 səhiyyə işçisi, 2 jurnalist də olub.
İlkin məlumata görə, yüksək sürətlə hərəkətdə olan minik avtomobili idarəetmədən çıxıb və aşıb.

Axşam saatlarında oxşar qəza Mardinin Derik rayonunda baş verib. Əyləci sıradan çıxan TIR-ın 2 avtomobilə çırpılıb. Qəzadan sonra yük maşını yaralılara müdaxilə edən kütlənin arasına düşüb. Qəza nəticəsində 20 nəfər ölüb, 6-sı ağır olmaqla 26 nəfər yaralanıb.