Bəllidir ki, 8 Noyabr - Zəfər gününün ölkəmizin milli dəyərləri üçün zəruri təsirləri var. Çünki Azərbaycan Respublikasının Prezidenti, Ali Baş Komandan İlham Əliyevin rəhbərliyi altında Vətən müharibəsində qazanılmış Qələbə Azərbaycan xalqının özünə inamını, güvənini daha da artırıb, Azərbaycan dövlətçiliyini daha da gücləndirib. Belə bir mərhələdə ölkəmizdə həyata keçirilən bütün tədbirlər humanizm siyasətinin uğurla davam etdiyinə işarədir. Bu tədbirlər həm də Vətən müharibəsində qazanılmış tarixi qələbənin beşinci ildönümünə vətəndaş sevgisidir.



Məhz Qaradağ rayon 288 nömrəli tam orta məktəbdə keçirilmiş, 8 Noyabr - Zəfər gününə həsr olunmuş tədbir də elə bu missiyanın davamı kimi səciyyələnir.
Tədbirdə Qaradağ rayon 288 nömrəli tam orta məktəbin direktoru Aygün Hüseyinova , məktəbin 2 Ç sinfinin müəllimi Məhrubə Vəlliyeva çıxış edib, çıxışlarında Vətən müharinəsində qəhrəman oğulların göstərdikləri şücaət, Vətən sevgisi barədə məzmunlu fikirlər səsləndirib, onların qəhrəmanlıqlarının yetişən nəsillərə bir görk olduğunu vurğulayıblar.
Tədbirdə diqqət çəkən əsas məqamlardan biri də məktəbin 2 Ç sinfinin şagirdlərinin maraqlı çıxışları olub. Bu münasibətlə həm müəllimə, həm də şagirdlərə minnətarlıq ifadə olunub.
Tədbirdə o da vurğulanıb ki, 8 Noyabr - Zəfər gününə həsr olunmuş bu tədbir milli və qlobal miqyaslıdır, öz təfərrüatını insana diqqət prosesi ilə şərtləndirir. Bu da Azərbaycan dövlətinin Vətənə və vətəndaşa sevgisini özündə əks etdirir.





Xəyalə İbrahimli.