Polşanın xarici işlər naziri Radoslav Şikorski sentyabrda Ukrayna prezidenti Volodimir Zelenski ilə görüşündə medianın əvvəllər yazdıqları münaqişəni şərh edib.

"Capar.info " xəbər verir ki, bu barədə "Yevropeyska pravda" Şikorskinin "Polşa Radiosu”nun efirində verdiyi açıqlamaya istinadən məlumat yayıb.

Polşa Xarici İşlər Nazirliyinin rəhbəri qeyd edib ki, onun ölkəsində Volın faciəsi qurbanlarının eksqumasiyası ilə bağlı milli konsensus mövcuddur. O əlavə edib ki, eksqumasiyanı xüsusilə prezident Anjey Duda, həmçinin Seymin spikeri Şimon Qolovnia və müdafiə naziri Vladislav Kosiniak-Kamış istəyir.

Radiostansiyanın jurnalisti xatırladıb ki, Ukrayna Polşa qurbanlarının eksqumasiyasına razı deyil, Vermaxt əsgərlərinin eksqumasiyasına icazə verib.

Şikorski qeyd edib ki, Kiyevdəki danışıqlar zamanı o, Volın faciəsi qurbanlarının eksqumasiyası məsələsinin həll olunacağına dair təminat alıb.
Aparıcı medianın yazdığı kimi, Kiyevdə Zelenski ilə görüşdə bunun həqiqətən də münaqişəyə keçib-keçmədiyini soruşub. Şikorski buna belə cavab verib: "Mən sualı başqa cür qoya bilərəm, onların hərəkətlərinə baxacağıq".

Münaqişənin olub-olmadığına aydınlıq gətirilməsini soruşduqda, Şikorski yenidən "Biz onların hərəkətlərinə baxacağıq" cavabını verib.