Britaniyalı musiqiçi, ser Elton Conun səhhətində ciddi problemlər yaranıb.

Capar.info -nın xarici mediaya istinadən xəbərinə görə, 77 yaşlı ifaçı etiraf edib ki, yayda kəskin göz infeksiyası keçirib, nəticədə bir gözü görmə qabiliyyətini qismən itirib.

Elton Con öz "Instagram" səhifsində bu barədə paylaşım edib: "Bərpa prosesi çox ləng gedir və başa düşürəm ki, təsirlənmiş gözün görmə qabiliyyətinin tam bərpa olunması üçün vaxt lazımdır".
Çətinliklərə baxmayaraq, müğənni artıq evdədir və müalicəsini davam etdirir. Dünyanın hər yerindən olan pərəstişkarları sənətçiyə dəstək sözlərini bildirir, onun tezliklə sağalmasını arzulayırlar.