Birinci Qarabağ müharibəsi başlayanda gənclik 5-6 yaşlı uşaqlar, əksəriyyəti dünyaya gəlməmişdi. İnçə 9 şəhid 2 itgin qurban vermişdi anamız Azərbaycana. Onlar qanları hesabına tarix yazdılar.18 yaşlı Səid və 29 yaşlı Nadir. Hamısı gənc 18-19 yaşlı igidlərimizdir. Nadirimiz qoca ləqəbi olsa da, cəmi 29 bahar görmüşdü.

Abdulxalıqov Teymur Sayəddin oğlu.
Babayev Rəhman Əlibaba oğlu.
Əhmədov Əhməd İqnat oğlu.
Əsədov Bəxtiyar Salam oğlu.
Hacıyev Faiq Qədir oğlu.
Mehdiyev Cəlal Hətəm oğlu.
Məmmədov Səid Qoca oğlu.
Mustafayev Fariz Kamal oğlu.
Tahirov Nadir Məmmədhəsən oğlu.
Hacıyev Firuddun Nadir oğlu.
İsmayılov Qadir Emin oğlu.

Ömürlərinin ən gözəl çağlarını, ömrün baharını vətənə,bizə qurban verdilər. Çünki, bizim yaxşı, əmin aman yaşamağımızı istəyirdilər. Onlar qəhrəmanlıq üçün yox, xalq vətən üçün odun, alovun içinə atılmışdılar. Məktəbimiz, müəllimlərimiz unutmadı, unutdurmadı onları. 20 yanvar, 26 fevral Xocalı Soyqırımı, 31 Mart Soyqırımı, yazımız payızımız həmişə göz yaşları ilə xatırlandı. Şəhid valideynləri hamının sevimlisi, gözü, könlü üstə yaşadılır camaat içərisində. Böyük hörmətlə, qayğı ilə əhatələniblər.
30 il sonra vətən dara düşdü, övladların çağırdı. Düşmən ayaq açmaq istədi yurdumuza. Lakin...Güclü Azərbaycan ordusu, Azərbaycan xalqı var qarşısında. Öz gələcəyini, ömrünü xalqına etibar etmiş Prezdenti var. Artıq zaman o deyil,xalq o deyil. İblisin göz yaşlarına inanmadı ordumuz.
Heç yadımdan çıxmaz o gün. Hər bölgəyə çağırışcı vəsiqəsi kimi İnçəyə gəldi vərəqələr. Hamı bir nəfər kimi səfərbər oldu. Kimsə qaçmadı, gizlənmədi. Fərarilik etmədi-əslində 30 il ərzində kənddə bir nəfər fərari olmayıb. Şəhidlərimiz arxadan güllə yarası almayıb. Yalnız alnından,ürəyindən namərd gülləsinə rast gəlib.
Bu döyüşlərdə İnçədən yaralananlar oldu, Allah heç vaxt Şəhid xəbəri ilə atalarımızın belini bükməsin. Analarımıza, qardaşlarımıza sevinc göz yaşı qismət eləsin.
Yüzlərlə gənc istər İnçə sakinləri olsun,istər əslən İnçədən olub digər şəhər və qəsəbələrdə yaşayan igidlərimiz çağrışçı kimi yollandı. Elə ailədən iki nəfər,elə ailədən bir nəfər döyüşlərdə iştirak ediblər. Hal hazırda xidmətlərini davam etdirirlər.
Polkovnik-leytenant, mayor, kapitan, leytenant, baş gizir, gizir, çavuş, maxe, əsgər rütbəli İnçəli balası döyüşüb. İndi hal-hazırda xidməti davam etdirir.
Şükürlər olsun gənclərimizin bir neçəsin sağ-salamat qarşıladıq. Gələcəkdə də hamısın evinə sağ-salamat dönməyinin sevincini yaşayarıq.
Əlbəttə otuz il ərzində atəşkəsdə sakit olmadı. Rauf qardaşımızı şəhid verdi İnçə.
Aprel döyüşlərində bir neçə gənclərimiz aktiv döyüş yolu keçdi. Məmmədov soyadlı İnçəlimiz şəhid oldu. Bakı şəhərində yaşamağına baxmayaraq həmişə İnçəliyəm deyirdi igidimiz. Onlarla gəncimiz vətən uğrunda daim şam tək ömrünü əridirdi.
Əlbəttdə el bir olsa dağ oynadar yerindən deyib atalar.Kürəyini xalqına söykəyən ölkə başçısı buna əmin idi. Xalq istər arxa cəbhədə,istər ön cəbhədə bir oldu. Ürəyi bizimlə olub məlum pandemiya səbəbindən ölkədə ola bilməyən, çağrışçıların siyasında adları olmayan insanlarımız ön cəbhəyə yardımlar ianələr etdi. Hamısının qazancına Allahdan bərəkət arzulayıram.
Birinci Qarabağ və Vətən Müharibəsi zamanı iştirak etmiş və yaxud İnçə adından vətən üçün yaxşılığını əsirgəməyən İnçəli soyadlarımız.
Abbasov, Abdulxalıqov, Abdullayev, Alıyev (Alyev), Allahverdiyev, Babayev, Baxışov, Bəbirov, Bəydəmirov, Cabbarov, Cavadov, Cəbiyev, Cəbrayılov, Cəfərov, Cəlilov, Eminov, Əbilov , Əhədov,Əhmədov, Əlifov,Əsədov, Əzizov, Fətəliyev, Hacıyev, Həmidov, Həşimov, Hüseynov, Xələfov, Xəlilov, Xuduyev, İbişov, İbrahimov, İlyasov, İsmayılov, İsrafilov, Kazımov, Kərimov, Qarayev, Qəhrəmanov, Qəribov, Qubadov, Quluyev, Qurbanov, Mehdiyev, Məhərrəmov, Məlikov, Məmmədov, Mikayılov, Muradov, Musayev, Mustafayev, Nağıyev Nəsirov, Nəsurullayev, Novruzov, Orucov, Ruşanov, Rüstəmov, Səmədov, Şirəliyev, Şükürov, Tahirov, Usubov, Vahidov, Vəliyev, Yusifov!
Hamısı sağ-salamat olsun. Əminəm ki, yerdə adı çəkilməyən soyad yoxdu. Mən inçəlilərimizin vətən sevgisinə inanıram bunu səmimi yazıram.
İstər xaricə ailə dolanışığı üçün çörək qazanmağa gedənlər,istər İnçə üçün malını mülkünü əsirgəməyən vətən oğlu bunu etdi. Bütöv maaşını göndərdi,nişan üzüyünü satdı ianəyə etdi. Qiymətli əşyasını saatını,bilərziyini satıb göndərdi. Pensiyasının yarısını göndərən baba nənələrimiz oldu. Dəfələrlə xalqımızın övladları yük və minik maşınları ilə dolu yüklər göndərdi orduya dəstək üçün. Çörəkdən suya qədər,isti geyim paltarı ilə dolu idi avtomobillər.
Düzdü güclü resrusa malik dövlətimiz var. Hər şey yüksək təşkil olunmuşdu. Hər bir şəxs qarşıya qoyulan vəzifəni namusu ilə icra edirdi. Yəni xidmətini edirdi vətənə.
Artıq bizim xalqımızın övladları digər xalqların övladlarının yanında qürurlu, başı uca gəzəcək. Çünki qalib xalqın övladlarıdı.
İştirak etdiyim tədbirlərdə yerli və xarici tədbirlərdə, əsasən xarici tədbirlərdə Qarabağa Xocalıya ədalət istəmişəm. Xocalı üçün haqq səsi, onun ucalığın istəmişəm.Günahsız körpələrin,soyqırıma məruz qalan xalqın fəryadının eşidilməsini istəmişəm.Car çəkmişəm,haraylamışam.
Sən demə ədaləti bərpa edən insanın birinə qardaş,biri ilə məhəllədə böyümüşəm, bir kənddə üz-üzə gəlmişəm,bir rayonda görüşmüşük, bir şəhərdə yaşamışıq. Bir ölkənin vətəndaşı olmuşuq. Özüm də bilmədən qəhrəman olduqlarından xəbərim olmayıb,tanımamışam.
Hardan bilərdim kəşviyyatçı, xüsusi təyinatlı,topçu,tankçı,mina axtaran,təcili yardım sürücüsü, təyyarəçi, dəniz pişiyi, mina axtaranı,işıq çəkəni, rabitəçi, polisi, xüsusi xidmət orqan işçisi, qətiyyətli Ali Baş komandan bu ədaləti bərpa edəcək.
Aldığı maaşını orduya bağışlayan vətəndaş qalib olmalıdır.
Qarabağ bizimdir!, Qarabağ Azərbaycandır! Yaşasın Azərbaycan xalqı və Azərbaycan dövləti!

Aslan Əsədov,
nəqliyyat eksperti,
İnçəli balası